ہر آندے انتخابات اچ الیکشن کمیشن دی کاکردگی چنگی تھیندی پئی ہے ،گورنر پنجاب ملک محمد رفیق رجوانہ

لاہور۔7 دسمبر(اے پی پی )گورنر پنجاب ملک محمد رفیق رجوانہ آکھیا ہے جو ہر آندے الیکشن اچ الیکشن کمیشن دی کاکردگی بہترتھیندی پئی ہے وطن عزیز پاکستان ووٹ دے ذریعے معرض وجود اچ آیا تے جڈاں ووٹ دے تقدس کوں برقرار نہ رکھیا گیا تاں ادھا پاکستان ترٹ گیا تاں جو ہنڑ بچ گیا ہے اینکوں ووٹ دے ذریعے ہی بچا تے چلا سگدوں جیرھا جو ساریاں سیاسی جماعتاں دی سانجھی ذمے واری ہے ۔او خمیس کوں گورنر ہاﺅس لاہور اچ الیکشن کمیشن دے اہتمام ”نال ووٹرز دے قومی ڈینھ دے موقع تے “ صوبائی سطح تے منعقدہ تقریب توں خطاب کریندے پے ہن ۔ ایں موقع تے ممبر الیکشن کمیشن جسٹس (ر) الطاف ابراہیم قریشی صوبائی الیکشن کمشنر شریف اللہ جسٹس (ر) ناصرہ جاوید اقبال عارف نظامی سمیت الیکشن کمیشن دے افسراں شرکت کیتی ۔ گورنر پنجاب آکھیا جو پاکستان اچ جمہوری نظام دے علاوہ کوئی چارہ کائنی ایندے نال ہی بہتری دی توقع چاہندوں نوجوان نسل کوں ایجھا نظام ڈے ونجوں جیرھا مثالی ہووے انہاں آکھیا جو الیکشن کمیشن ہک آئینی ادارہ ہے یندے تے انگلی چاونڑ تون پہلے اساکوں خود احتسابی دے پاسے ونجنڑاں ہے۔

مضمون کا ماخذ : لاٹری کا ٹکٹ کیسے خریدیں

متعلقہ مضامین